Kalea Maixu! programa
Eskola-orduz kanpoko jarduerak
euskalduntzeko egitasmoa
 |
| Kalea
Maixu! egitasmoa zer den Kalea Maixu! programaren bidez, Lasarte-Orian haurrentzat eta gazteentzat antolatzen diren jarduerak euskaldundu nahi dira. Horretarako, haur-gazteekin lan egiten duten elkarte eta erakundeekin hitzarmenak sinatzen dira. Hitzarmena izenpetzen duen orok, bere elkartea euskalduntzeko borondatea agertzen du, eta, bere egoera zehatzetik abiatuta, proposatu zaizkion aurrerako urrats jakinak ematen ditu. Jakina, laneko programa aurrera ateratzeko, elkarteei laguntza ematen zaie, hainbat zerbitzu eskura jartzen zaie eta abar. |
| Kalea Maixu! egitasmoko elkarteak |
Kalea
Maixu! egitasmoko zerbitzuak
herriko elkarteentzat
| Dakizuen bezala, hainbat zerbitzu daude jasota Kalea Maixu programan, haurrekin eta gazteekin lan egiten duten herriko elkarteentzat eta elkarteetako zenbait kiderentzat. Hona hemen zein diren: |
| 1.
Itzulpenak gaztelaniatik euskarara eta euskarazko testuen zuzenketa Gorago genioen moduan, herriko elkarte sinatzaileentzat da zerbitzua. Euskaraz lan egiten laguntzea da helburua, eta mugatxo hauek bakarrik ditu: • bost orrialdeko testuak izan behar dute gehienez. • Lan arruntak hiru egunen buruan entregatzen dira; ez lehenago. Epea luzeagoa ere izan daiteke, lanak zail samarrak izanez gero. 2.- Euskara ikasteko diru-laguntzak Kalea Maixu! egitasmoko elkarteetako begiraleentzako laguntzak dira. Hauexek dira kondizioak: • Kalea Maixu! egitasmoko elkarteren bateko begirale izatea. • euskaltegiren batean matrikulatzea. • %80ko asistentzia eta aprobetxamendu ona izatea euskaltegian. Diru-laguntza eskatzeko modua: • Lehenik, diru-laguntza eskatzeko fitxa bete behar da euskaltegian; bigarrenez, elkarteko arduradunari eman behar zaio eskariaren berri; azkenik, Ttakun Kultur Elkarteko Kalea Maixu!ko arduradunari entregatu behar zaio fitxa, behar bezala betea. 3. Begiraleen poltsa Arlokako begirale-poltsa antolatua du Ttakun Kultur Elkarteak begirale euskaldunak behar dituzten elkarteentzat. Hona hemen arloen zerrenda: 1. Kirola: futbola, atletismoa, eskubaloia, igeriketa, pilota, saskibaloia... 2. Aisia: denbora librea, eskulanak, umezaintza... 3. Artea: antzerkia, argazkigintza, pintura, dantza, musika (abestiak, gitarra, pianoa...). 4. Hizkuntzak: euskara, ingelesa, frantsesa... 5. Irakaskuntza: informatika, mekanografia... Ttakun Kultur Elkarteko
Kalea Maixu! egitasmoko arduradunarekin jarri behar da harremanetan,
begirale euskaldunen zerrenda eskuratzeko. |